फौजी, असतात कोण.....??

फौजी, असतात कोण.....??
ती असतात गरीबाची पोरं..
आई-बाप मजुरी करतात, शेती करतात, त्यांना वेळेला पैसे मिळत नाय,त्यांच्या मुलांना शाळेत पाठवण्यास फिस साठी पैसे नसतात,त्यांच्या पायाला बुट नसतो,कमी वयात त्यांना जबाबदारी सतावते,भरतीला जायला पैसे नसतात,भरतीला जाताना आई-बाप म्हणतात, लेकरा यावेळी तरी भरती होशील ना रे तू..जरा जीव लावून प्रयत्न कर..आणि त्यांनी मजुरी करून साठवलेले पैसे ते देतात भरतीला जाण्यासाठी,भरतीला गेल्यावर फुटपाथवर झोपावं लागत, खूप त्रास सहन करावा लागतो, एवढे करून पण कधी अपयश आल्यावर किती वाईट वाटतं..मग हीच पोरं एकांतात जाऊन ढसाढसा रडतात, तेव्हा त्यांना समजवायला पण जवळ कोणी आपलं नसतं..!!